ROMANCE413 ~*~مدير المنتدى~*~
عدد الرسائل : 31 العمر : 34 تاريخ التسجيل : 27/02/2008
| موضوع: تهييس اخر الليل الجمعة مارس 14, 2008 4:37 am | |
| فتحت الياهوا بالليل ملقتش غير ناس خنقه عملت اوف لاين و شغلت اغنيتي المفضله {انا و ليلى} و شويه و فكرت في كلام الاغنيه , و اكتشفت حاجه مهمه اوي اني معنديش ليلى علشان افكر فيها اصلا طبعا قبل مكمل تفكير غيرت الاغنيه و شغلت {ابحث عنك} بس رجعت و فكرت ...انا هلاقيها امتي؟ .. و هي مين؟... و السؤال الاهم لو لقتها هعمل ايه؟ فكرت في كل البنات اللي اعرفها بس دول كلهم اصحابي و اخاف لو حاولت مع اي واحده فيهم اخسرها قولت لنفسي خلاص اشوف واحده اصيع معاها و طبعا دول كتير بس انا مش بتاع صياعه ولا الكلام ده و بعدين انا اصلا معنديش حاجه اصيع عليها انا مش وسيم اوي يعني بصراحه انا مش وسيم خالص من الاخر انا بخاف اشوف نفسي في المرايه يعني املي الوحيد ادور علي اي بنت كسر علشان ترضا بيه بس هي ناقصه هيبقي انا و هي شكلنا مش حلوة يعني لو وقفنا جنب بعض ممكن ناخد صوره و نعملها بوستر لفيلم رعب طب الحل ايه ؟ و فجاه افتكرت اول محاوله ليه في التعليق مع البنات كانت زملتي في الشغل و الظروف خلتنا نفضل يومين مع بعض علي طول طبعا انا كنت ملخوم و مش عارف اعمل ايه.. بس علشان نيتي الصافيه و قلبي الطيب هي استريحتلي و بدأت هي الكلام من الاخر في ساعتين كنت عارف عنها كل حاجه بس اللي حصل بعد كده هو اللي خلي الفران تجيب عده دي جي و تلعب في وداني.. كانت لما تشفني تسلم عليه و كانت بتهزر معايه و مصدره الطارشه للبشر التانيه اللي معانه في المصنع و الجامده انها كانت بتحاول تقرب مني بس بشكل مش لطيف و بعد مده في المصنع اتعرفت علي البشر كلهم و اهم واحده كانت صاحبتها و اللي قالتلي ان البنت اياها بتتكلم عني مع اصحابها و بتحشر سرتي في الكلام !!!!!!!!!!!! من الاخر كانت عايزه تحذرني انها بتسيطني و علشان صاحبتها طيبه وقعتها في الكلام و عرفت منها ان البنت اياها فتحاها ملجأ مفيش حد في المصنع كله الا ممشيت معاه طبعا قطعت علقتي بيها تماما و سقعتلها و هي لقت واحد غيري بس ايه..عبيط اوي و فاكر انه توم كروز و كانت نهايته ان البنت سيطته في المصنع كله لدرجه ان في ناس كانت بتبتزه و بتخليه يجبلهم كابتشينوا حمدت ربنا انه طلعني من الموضوع ده علي خير و رجعت اسمع اغنيه {ابحث عنك } وافكر هلقيها امتى؟. ........... ........ .... .
| |
|
منعم المشرف والمدير العام
عدد الرسائل : 106 تاريخ التسجيل : 09/03/2008
| موضوع: رد: تهييس اخر الليل الجمعة مارس 14, 2008 4:05 pm | |
| هههههههههههههههههههههههههههههههههههه الله يكون فى عونك | |
|
~M,e,R,o,O,o~ ~*~مدير المنتدى~*~
عدد الرسائل : 187 العمر : 35 تاريخ التسجيل : 27/02/2008
| موضوع: رد: تهييس اخر الليل الجمعة مارس 14, 2008 4:11 pm | |
| ايه يا برنس الفضايح ديه بس بجد اجمد موضوع فى قسم الحب | |
|
hema عضو جديد
عدد الرسائل : 2 تاريخ التسجيل : 15/03/2008
| موضوع: رد: تهييس اخر الليل السبت مارس 15, 2008 4:49 pm | |
| انت انساس حساس جدا و مرهف المشاعر | |
|
ROMANCE413 ~*~مدير المنتدى~*~
عدد الرسائل : 31 العمر : 34 تاريخ التسجيل : 27/02/2008
| موضوع: رد: تهييس اخر الليل الإثنين مارس 17, 2008 8:17 pm | |
| شكرا علي الرد الرقيق يا هيمه | |
|
sweetygirl مشرف عام
عدد الرسائل : 31 تاريخ التسجيل : 02/03/2008
| موضوع: رد: تهييس اخر الليل الثلاثاء مارس 18, 2008 9:31 pm | |
| مرسيى ليك على الموضوع ده -- وربنا يوفقك | |
|